PRATICO I

Amo e serve toun Diéu sènso ges de partage
Noun rèndes pas à soun oubrage
L'ounour qu'à Diéu soulet, l'on dèu,
Respèto sa grandour, viéu dins sa dependèneci
Counfesso toun noun-rèn en sa santo presènci
Noun cerques à plaire qu'à-n-Eu
N'enplegues pas de diéu lou Sant noum redoutable
Se noun dins un fa veritable
Dins la justiço e lou besoun

Pér la terro e lou Cèu, pèr rèn autre noun jures.
Dèves de coutenta, que negues, qu'assegures
de dire de o vo de no

LOU SORT E L'ASTRADO - Aqeli que soun filousofe

N'avès que trouvon souvènt uno pèiro en camin ;picon sus d'un pignoun; ié toumbo un téule. E pamens s'atrobon pas di pu malourous - en se pensant qu'aurié pouscu encas pu mau vira pèr éli.

Quau reçaup lis espouse déu leissa se plagne aquéeu qu'aganto tout sus l'esquino .De poù de se bagna se fan d'aigo i braio. E vague per ço qu'es mié-mau ; pèr ço qu'es miejo-bastounado.

D'aiours i'a ges de roso sènso espino ; i'a ges de bèsti sènso verin ; chasco medaio a soun envers ; à l'or i'a de crapo, à l'oli i'a de caco ; touto causo, touto gènt an soun bon e sis os ; an soun bon e soun rebussittè. Fau ama soun ami emé soun vice . E vau mies soufri la besti que la chabli

Apoudon pièi, nosti filousof , que dins li tempèri, dins li revirado de la vido, lis enfetamen e li soucit podon pas manca ; que cadun dèu pourta sa crous ; que Sant Jousè fustejé tant de crous que n'i'a per touti emai n'en resto ; qu'au peirou di set doulour cadun a son escudello.

Fai toun deve,arribara ce que pourra

Foou pa qué péiroou mascaré la sartan.

lou banuto subré li masc, li cithious masco é lou mau mournifloun

lou rebousié pagan a patoune pechecha avé lou banard

Li mage, Li masc e masco, li fado, lis esperit particulié

Li masc e li masco (li fraire de la tasso) sabon trouva, dins un libre de mascarié, de receto, de sourcilège, de trassegun pèr emasca li gènt e li causo, pèr enclaure lou mounde, per ié jita de sort, pèr ié douna lou marrit uei. De receto pèr endourmi li gènt en li pivelant mé soun fluide. De receto de boucoun pèr empouisouna aquéli que li géinon... Après agué fa pacho emé lou diable, dison de messo negro,(en fasènt sacrifice d'un moutoun vo bochi) ; dison de pater bourret a patoune lou divendre. 

Lou demascaire saup de receto pèr escounjoura li masc, li masco  emai  si mascarié.

La creacioun dôu mounde

Dieu creè lou cèu e la terro en sièis jour.

Lou proumiè jour faguè la lumiero. Lou segound lou cèu, lou tresen ramassè lis aigo à-n-un soulet endré e faguè sourti li planto e lis aubre.

Lou quatrièime jour faguè lou soulèu, la luno e lis estello.

Lou jour d'après lis auccèu que voulon dins lis èr, e li pèis que nadon dins lis aigo.

Lou sieisen jour fagè touti lis animau e fin finalo l'ome. Pies faguè pauseto lou jour seten.

Bréu de géougraphio Prouvençalo

La Prouvènço se despartis en Basso-Prouvènço è Auto-Prouvènço. La Basso Prouvènço touco lou rose e la mar. 

Ié poudèn destria la Provènço Roudanenco e la Prouvènço Maritimo. L'Auto Prouvenço vo Gavoutino es la Prouvènço Aupenco. Lou païs niçart tèn tout au cop de la Prouvènço Maritimo e de la Gavoutino. es ço que fai soun ouriginalita.